Asteburu honetan ospatu dugu ONGI ETORRI BASERRIAren hirugarren edizioa eta eguraldi kaxkar xamarra izan arren, arrakasta sekulakoa izan da eta zabaldutako 25 baserrietan, gutxigorabehera 520 bisitari izan genituen eta azken balorazioaren zain bagaude ere, esan beharrean gaude oso pozik geratu direla bai bisitariak bai baserritarrak.
ENBA bezala gure eskerrona agertu nahi diegu, lehen lehenik, ekimenean partehartu duten baserritarrei, gure baserriak ezagutzeko interesa agertu duten 520 bisitariei eta nola ez, bidelagun izan ditugun babesle (KUTXA Fundazioa) eta laguntzaileei (KAIKU Korporazioa, Urkaiko, Basatxerri, Euskaber, Lumagorri, NEKATUR, NIREA, BM, Eroski, Diario Vasco, El Correo).
Uztailaren 15ean amaitzen da argazkiak eta balorazio inkestak bidaltzeko epea eta uztailaren 19an ospatuko dugu NEKATURek eskeinitako BONUS FUCSIAren (nekazalturismoa batean 4 lagunentzat 2 gauetako egonaldia) zozketa.
Informazio eta argazki guztiak www.ongietorribaserrira.eus webgunean jasoko dira.
Baserri mundua eta hiriaren arteko zubigintza lanak egiteko asmoz, orain 2 urte, 2014 urtean, ENBA sindikatuak Gipuzkoako 8 baserrietako ateak zabaltzea erabaki zuen, etxeko ateak zabalduaz, ekoizle eta kontsumitzaileenganako harremana sendotu eta estutu nahiean.
Aurtengoan, ONGI ETORRI BASERRIRA ekimenaren hirugarren edizioarekin gatoz, gure jakien jatorria berraurkitzeko eta beren ingurune naturalean, mahaiean dastatzen ditugun elikagaiak ekoizten dituzten baserritarrak ezagutzeko aukera ezinhobea eskeiniz.
Uztailak 1 eta 2an, Gipuzkoa eta Bizkaiko baserritarrek heuren baserrietako ateak zabalduko dituzte beren ikuiluak, baratzak eta landaguneak ezagutzera emateko.
ONGI ETORRI BASERRIRA ekimena, antolatzailea den sindikatuaren ustean, bertako elikagaien aldeko apustu garbia da, landaguneari balorea emateko, barnekaldeko zonaldetako turismoa sustatzeko eta nola ez, gure herri gastronomia goratzeko.
Familian edo lagunartean egiteko bisita zoragarriak jartzen dugu denon esku.
Aurtengoan 25 baserrietako ateak zabaltzen ditugu (2014an 8 baserri eta 2015ean 16 baserri izan ziren), 15 ibilbide ezberdinetan antolatuak:
Azkenaldian sarritan entzun dugu bertako produktuaren aldeko apustua egin dutela hainbat saltokik, horien artean dago Eroski. Zoriontzekoa da bertako haragiaren alde egitea, ez horrenbeste marketing tresna gisa erabiltzea.
Baserritarrok ditugun marjen estuak kontuan hartuta, kalitateari ematen diogun garrantziak, ekoizpen arau zorrotzak… gure haragia marketing tresna gisa erabiltzen denean, gure lana hutsaren pare gelditzeko arriskuan jartzen dute. Honekin ez dugu esan nahi kontsumitzaileei aurrezteko aukera eskaintzea kaltegarria denik, gure haragiari zor zaion tartea eskaini behar zaiola aldarrikatu nahi dugu, besterik ez.
Gaur goizean Gipuzkoako ENBAko ordezkariak Euskadiko Nekazal Kooperatibetako Federazioko ordezkariekin bildu dira Euskadiko nekazal sektoreko hainbat gai jorratzeko.
Alde biek azpimarratu dute ekoizpena egituratzeko beharra eta ondorioz, kooperatibismoa indartu beharra. Honezaz gain, kooperatibak eta sindikatua arteko elkarlana nola sendotu ere aztertu da.
Elikagaien kontsumoa etengabe aldatzen ari denez, behar beharrezkoa da, bai ekoizleak (salmenta zuzena edo bitartekari bidez merkaturatu) bai eraldatzaileak (gazta, txakolina, sagardoa, piparra, fruta, harakiak, esnekiak, eztia, etb) ondo informatuta egotea etorkizun hurbilean datozen joera eta jokabideaz, ezagu ostean, hartu beharreko erabakiak hartzeko.
AZTI-Tecnalia ikerkuntza zentrauk argitaratu berri du elikagaien kontsumoan emango diren joerei buruzko azterketa bat EATendencias izenpean eta hain zuzen horregatik, ENBA nekazal elkarteak oso komenigarritzat jo du azterketa horren egileekin hitzaldi informatiboa antolatzea, ekoizle eta eraldatzaileak zuzen-zuzenean ezagutu ditzaten etorkizuneko elikagai kontsumoko jokabideak, heurek ekoiztu eta eraldatzerakoan, erabaki edota egokitu beharrekoak erabakitzeko.
Hitzaldi informatiboa Maiatzaren 25ean, asteazkena, ospatuko da, goizeko 11tatik 13ra Tolosako ENBAren egoitzako aretoan. Hizlariak: AZTI-Tecnaliako Nagore Picaza eta Eneka Labriska
Aurrez izena ematea erregutzen da. 943.650123 / Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.
ENBA Bizkaia
San Pedro, 30-Behea - 48340 Amorebieta-Etxano (Bizkaia)
Tel.: 94 630 07 69 bizkaia@enba.eus
Fenix, Zerbitzu Informatikoak, diseinatu eta kudeatzen du webgune hau
