Albisteak

(Argazkia: IREKIA) 

ENBA nekazal sindikatuak kaltegarritzat jotzen du gure abeltzaintzarentzat Eusko Jaurlaritzak Ingurumeneko Konferentzia Sektorialean izan duen posizionamendua. Posizionamentu honek, sektoreak dituen susmoak berresten baititu. Hau da, Eusko Jaurlaritza abeltzaintza estentsiboaren aurretik beste interes batzuk jartzen dituen gobernu bat dela.

Ingurumenari buruzko Konferentzia Sektoriala Trantsizio Ekologikorako Ministerioaren eta Autonomia Kontseilaritzen arteko alde anitzeko lankidetza-organoa da. Bere eginkizunen artean, otsoaren kudeaketan hartu beharreko politiken eta abeltzaintza estentsiboan izan dezakeen eraginaren koordinazioa, kontsulta eta adostasuna daude.

Astelehen honetan, ekainak 22, egindako Ingurumenari buruzko azken Konferentzia Sektorialean, Euskadi, Gaztela-Mantxarekin eta Kataluniarekin batera, Galiziak aurkeztutako txostena babestu ez zuen autonomia-erkidego bakanetakoa izan zen. Txosten horren arabera, argi frogatzen da abereei behin eta berriz erasotzen dieten eta gatazkatsuak diren banakoak erauzteak, ez duela eraginik otsoaren populazio osoan, populazioaren aurrerapen eta hedapen argian baitaude. Hau da, Eusko Jaurlaritzak txosten zientifiko objektibo bat ez abalatzeko erabaki politikoa hartu zuen, Euskadiko abeltzaintza estentsiboaren beharrak kaltetuz.

Hala, Eusko Jaurlaritza garatzen ari den politikei koherentzia eskatzea beste aukerarik ez dago; izan ere, Eusko Jaurlaritzako Elikadura, Landa Garapen, Nekazaritza eta Arrantza Sailak, Amaia Barredo sailburua buru duela, otso iberikoaren babesa murriztearen eta abeltzaintza estentsiboa kontrolatzeko eta babesteko LESPREtik kanpo uztearen alde egiten duen bitartean, Eusko Jaurlaritzako Industria, Trantsizio Energetiko eta Jasangarritasun Sailak, Mikel Jauregi Letemendia sailburuak gidatuta, guztiz kontrakoa egiten du eta ez ditu babesten abeltzaintza estentsiboaren babesa bermatzen duten txosten zientifiko objektiboak.

Azken batean, publikoki jarrera jakin bat agertzen den bitartean, jarrera hori gauzatzeko unean, Eusko Jaurlaritza baserritarren aurka doazen pauso kontraesankorrak ematen ari da.

Horregatik, ENBAk deitoratu du Eusko Jaurlaritzako bi sailen arteko koordinaziorik eza eta koherentziarik eza, kalte handia egiten baitio Euskadiko abeltzaintza estentsiboari. Zoritxarrez, Eusko Jaurlaritza izaten ari den jarrera zalantzakorrak eragotzi egiten du gazteak Euskadin abeltzaintzan sartzea, Eusko Jaurlaritzaren politika dibergenteak sortzen duen ziurgabetasunak, edozein ekimen adoregabetzen duen segurtasun juridikorik eza sortzen baitu.

ENBA. Euskal Nekazarien Batasuna
Euskadi 2026ko ekainak 26

ENBA nekazal sindikatuak bere kezka agertzen du abeltzanei euren esneagatik ordaindutako prezioan aplikatutako jeitsieragatik, hain zuzen ere, azken 2 hilabeteotan, bataz beste, 7 xentimotako jeitsiera.

Jeitsiera honek bide arriskutsuan sartzen gaitu, hain zuzen ere, ekoizpen kostuen azpiko eremuan eta ondorioz, eragin zuzena gure ustialekutako errentagarritasunean.

ENBAtik, ez dugu epe laburreko albisteekin larritu nahi eta orain arte bezala, epe ertain edo begirada luzearekin begiztatzen dugu esne sektorearen garapena baina aldi berean, gure kezka azaldu nahi dugu, egonkortasun faltaren aurrean.

Prezio duinak eta egonkortasuna dira, besteak beste, esne sektoreak etorkizuna izateko berme nagusia. Ez dugu nahi gorabehera haundirik nahi, prezio duinak eta egonkortasuna baizik. Gaur egun dauden esnetako ekoizleentzat eta gazteentzat bereziki, begirada luzea eta egonkortasuna dira oinarrizkoena eta honenbestez, horrelako beherakadak egonkortuko balira, esne sektoreari etorkizuna ukatzea suposatuko luke.

Zabaldu dugu ONGI ETORRI BASERRIRAren 11garren edizioa, baina kontuz, izena emateko epea Ekainaren 30ean amaitzen da

Eskuartean duzu ONGI ETORRI BASERRIRA! ekimenaren hamaikagarren edizioa, gure jakien jatorria berraurkitzeko eta beren ingurune naturalean, mahaiean dastatzen ditugun elikagaiak ekoizten dituzten baserritarrak ezagutzeko aukera ezinhobea.

Uztailaren 3an eta 4ean Gipuzkoa eta Bizkaiko baserritarrek heuren baserrietako ateak zabalduko dituzte beren ikuiluak, baratzak eta landaguneak ezagutzera emateko.

ONGI ETORRI BASERRIRA! ekimena bertako elikagaien aldeko apustu garbia da, landaguneari balorea emateko, bertako turismoa sustatzeko eta nola ez, gure herri gastronomia goratzeko.

Familian edo lagunartean egiteko bisita zoragarriak. Goza itzazu!

Izena emateko epea ekainaren 30ean amaitzen da.

Bisitatu ditzazkezun baserri zerrenda ikusi eta aukeratu ondoren, izena emateko, sar zaitez ONGIETORRIBASERRIRA.EUS webgunean.

Gaur goizean ENBA nekazal sindikatuak Europa mailan gertatzen ari diren bi proiektu nagusien informazioa zabaldu eta gogoeta sustatzeko asmoz, jardunaldia ospatu du Donostiako Kursaal Jauregian.

Jardunaldian, esan bezala, bi gai izan dira hizpide, alde batetik, 2028-2034 aldirako negoziatzen ari den PAC berria eta bestetik, Europa eta Mercosur arteko akordioa.

2028-2034 PAC berria agertzeko Bruselaseko aditu bat izan dugu, hain zuzen ere, Gonzálo Corrales, UPA sindikatuak Bruselasen duen delegazio burua eta berak mahaigainean dauden proposamenen berri eman du, datozen urteetako aurrekontua jasoko duen Urteanitzetarako Finantz Markoa (MFP) eta bertan, nekazal politikak izango duen pisua, hain zuzen ere, %20 inguruko beherakadarekin. Bestalde, oso kezkati agertu da, politika ezberdinetarako aurrekontuan funts berean sartzearekin, are gehiago, erakunde guztietan, aurrekontua norantza bideratu behar den erabakiak hartzerakoan, nekazaritzaren ordezkariek duten pisu eskaxa kontuan izaten badugu.

Ondoren, Euskadiko ikuspuntua eman duten testigantzak izan ditugu,hala nola, Eusko Jaurlaritza, Euromontana eta ENBA ordezkariak, eta hirurak bat etorri dira, PAC berrian Euskadik bere protagonismoa izan dezan ezinbesteko dela subsidiaritatea eta nola ez, mendiko nekazaritzari egokitutako politikak. Iñigo Bilbao ENBAko ordezkaria oso kezkatuta agertu da Euskadi bezalako nazio eta eskualdeetan lehen sektorerako funtsak bermatzeko orduan. Izan ere, nekazaritzak pisu txikia du ekonomia osoan, Europako testuinguru batean, non elikadura pixkanaka beste herrialde batzuen esku uzten den.

MERCOSURen akordioari dagokionez, bi ikuspuntu entzun ditugu: batetik, PROVACUNO, lanbide arteko haragi-behiaren zuzendari ondokoa, Alejandro Gutiérrez, haragiaren gaur egungo sarreraren eta etorkizuneko aurreikuspenen berri eman duena, eta, bestetik, inportatutako haragiaren baldintzak betetzean eta onartutako kontingenteetan kontrolak indartzeko beharra azpimarratu duena; eta Carlos Etxchepare, ekonomialari argentinarra, Hego Amerikako nekazaritza-errealitatea ondo ezagutzen duena, 4 herrialde horien produkzio-errealitateari eta mugimendu geoestrategikoen araberako esportazioen merkataritza-gorabeherei buruzko lezio magistrala eman diguna, non mugimendu guztien epizentroa Txinan dagoela azpimarratu duen.

PONENTZIAK

• Gonzalo Corrales
• Alejandro Gutiérrez
• Carlos Etchepare