Formakuntza Notiziak

Lanbide Heziketan behar beharrezkoa jotzen da ikastetxean emandako teoria enpresetan egindako praktikekin osatzea eta arlo industrialean hain arrunta den hau, tamalez, ez da hain ohikoa nekazal alorrean. Bestalde, azken urteotan sarri entzun izan dugu, teoria eta praktika uztartzen dituen LH bikoitzaren onurak.

Lanbide Heziketa bikoitzak ikasleak dituen praktika beharrak enpresariak hezitako gazte jendea lortzeko duen beharrarekin uztartzen ditu eta enpresan laneginez hartzen den esperientzia onuragarria da bai enpresariarentzat bai gaztearentzat, beti ere, kontuan izanik, Lanbide Heziketa bikoitzaren azken helburua ikaslea gero enpresan txertatzea dela.

Hau dela eta, ENBA nekazal elkarteak, hezitutako eta esperientzia duen eskulanaren beharra dutela baserritarrek eta aldi berean, ikasleak toerian ikasitakoa lan munduan aplikatzeko beharrezko dituzten praktikak ezinbestekoak direla jakitun, ustialekutan egiten diren ohiko praktikak eta Lanbide Heziketa bikoitzaren berri emango duen hitzaldi informatiboa antolatu du.

Beraz, nahiz ohiko praktiketan nahiz Lanbide Heziketa bikoitzean ikaslean baserrian hartzeko interesa izanez gero, azaldu zaitez Abenduaren 11an, goizeko 12tan, Fraisoroko Nekazal eskolan egingo den hitzaldira.

Hitzaldian Fraisoro Nekazal Eskolako arduradunek hartuko dute parte eta aurrez izena eman behar da 943.650123 zenbakian.

• formakuntza

HAZIk, seihilabete behin egin ohi duen bezala, 2018ko bigarren sei hilabeterako nekazal formakuntzaren gida argitaratu berri du. Egin klik esteka honetan.

• ikastaroak

Dakizun bezala 2020 urteko uztailaren 14ko iraungitze data dute egun indarrean ditugun biozidak aplikatzeko karnetak. Indarrean dagoen araudiaren arabera biozidak erabiltzen jarraitu ahal izateko kualifikazio profesionala lortu behar da, hain zuzen ere, gutxienez 300 ordutakoa eta gure ustean, betebehar hau gehiegizkoa da iharduera txiki eta ertainetarako.

Problematika aztertu ostean Eusko Jaurlaritzaren menpe dauden HAZI eta ELIKA arteko elkarlanean orain arte biozidak aplikatzen ibili direnen ahalmen profesionala baliozkotzea jo da egokien, orain arte lortutako jakinduria eta esperientzia baliozkotuz, araudiak exijitzen dituen 300 ordutako formakuntza ordezkatuz.

Baliozkotzea lortzeko jarraitu behar den bidea ezagutu nahi?

• formakuntza

Irakurri gehiago ...

Europako Batzordeak nekazaritzaren alorrean diharduten langileentzako babes gida argitaratu berri du. Gida ez loteslea izan arren, oso kontuan izan beharrekoa da bai nekazaritzan, basogintzan zein abelzaintzan diharduten langileen aldetik.