Gaur goizean Gipuzkoako ENBA nekazal sindikatuak bere XXVIII Batzarra ospatu du Urnietako Salesiarren Ikastetxean eta bertan elkartu da jende ugari, baserritarrak, lagunak, sektoreko eragileak eta herri agintariak (Mikel Pagola Urnietako alkatea, Imanol Lasa Gipuzkoako Ekonomia Sustapena, Turismoa eta Landa Inguruneko diputatua eta Bittor Oroz, Eusko Jaurlaritzako Nekazaritza, Arrantza eta Elikagaien Politikako sailburuordea ). Sarrerako salutaz gain ENBA nekazal sindikatuak elkarteko eta ENARO kooperatibako dirukontuak onartu ditu.
Gipuzkoako ENBAko presidentea den Iñaki Goenagak Familia Nekazaritza defendatu du euskal ekoizleentzat baina baita ere euskal gizartearentzat egokiena delako. Familia Nekazaritza, Gipuzkoan dugun bakarra, da Gipuzkoako gizartearentzat bermerik sendoena kalitatezko elikagaiaz eta egurraz hornitzeaz bat ingurunea zaindu eta landagune bizia izateko.
Zentzu honetan, Goenagak baserritarrek ingurumen alorrean egiten duten lana azpimarratu du eta bereziki, mendian lanegiten duten abeltzainen aportazioa ekarri du gogora. Honezaz gain, herri mendietan diharduten abeltzainentzat bizi eta lan baldintza duinak izateko azpiegiturak aldarrikatu ditu eta bide batez, bihartik aurrera, urtarrilak 27, Aralarko pistak defendatzeagatik epaitegi bidean hasiko diren udal hautetsi, foru arduradun eta teknikariei beren babesa publikoa agertu die. Bestalde, baso sektoreak bizi duen egoera delikatua kontuan izanik eta hainbat kolektiboetatik, une larriaz baliatuz, basogintzaren aurkako jasaten ari den erasoaren aurrean, Goenagak basogintzak betetzen duen ingurumen papera baina baita ere, gure herri txikitako ekonomian duen garrantzia azpimarratu nahi izan du.
2019 urtean sektoreak izan duen konportamenduari dagokionez, esan Gipuzkoako kasuan oso urte ezberdina izan dela ekoizpen arloen arabera. Landare arloan klimatologiaren eraginez, baratzagintzako ekoizpena %12,9an eta fruitaren ekoizpena (batez ere sagardotarako sagarra) %16,6an igo da nahiz eta prezioak bere horretan mantendu edo zertxobait jeitsi. Abelzaintzaren alorrean aldiz, orokorrean hartuta egoera egonkorra bizitu dugu ekoizpenaren bolumenean nahiz eta azpimarratu %6ko igoera behi okelan, %10,6ko beherakada ardi okelan, %8 igoera arrautzan eta €4,4ko beherapena ardi esnean eta prezioetan, azpimarratzekoak dira %18ko igoera txerrian eta %8ko beherapena arrautzan. Basogintzaren alorrean, oso urte atipikoa izan da, pinuaren banda marroiaren erabateko leherketa eta zabalkuntzaren eraginez, pinu mozketak %71an igo dira eta prezioek %4,4an egin dute behera.
Batzarra amaitu ostean, BASERRITARRON LAGUNA Saria eman da, aurtengoan Arantzazuko Nikolas Segurola fraideari bere bizitza osoan artzantza eta artzainen bizi eta lan baldintzak hobetzeko egindako lanagatik eta bereziki, azken urteotan euskal artzain gazteak hezitzeko abian jarritako Artzain Eskolaren sustatzailea izateagatik.
Nikolas Segurolaren figuraren garrantziaren berri eman digu Xabier Euzkitzek, 2016an Nikolaseri buruz argitaratutako liburuaren koordinatzailea, eta ondoren Gipuzkoako ENBAko presidentea den Iñaki Goenagak eman dio saria Nikolas berari.
Ekitaldi hunkigarriaren ondoren, bertsolariak eta guzti, Batzarrean partehartutakoek Urnietako EULA Sagardotegian ospatutako elkartasunezko bazkarian izan dira.
Urnieta. 2020.01.26
ENBA/ Gaur Donostian izan gara, Aralarko Baserritar Elkartea eta EHNErekin batera, Aralarko abeltzainen onerako egindako bide bat egiteko aldeko botua eman eta ekologistek auzitara eramandako 7 udal hautetsiei, eta hauekin batera beste 9 teknikari eta foru arduradunei, gure babesa eta eskerrona emateko.
Aralar Bizirik!
Abeltzainok zutik!
Abeltzainok eta herri ordezkariak elkarlanean!
Gaurko agerraldian Udal hautetsiek irakurritako idatzia irakurri nahi izanez gero, JARRAITU
ENBAk dei egiten die gipuzkoar guztieri baserritarren alde lanegiten dutenen izenak eman ditzaten
Gipuzkoako ENBA nekazal elkarteak 2013 urtean BASERRITARRON LAGUNA saria eratzea erabaki zuen eta bere lehen edizioan, Jaime Zubia Zinkunegirentzat izan zen saria eta bigarrenean, 2015 urtekoa, AMAMA zinema filmarentzat, 2017an ETBko SUSTRAI saioarentzat. Orain, 4. Edizioa jartzen dugu abian eta izenak proposatzeko epea zabaldu dugu urriaren 11 arte.
Sariaren helburua bere eguneroko jardunarekin baserriaren alde lanegiten duen persona, elkarte, entitate, komunikabide, etb-en lana aitortu eta gure eskerrona agertzea da.
Baserria, baserritarra eta baserriko elikagaiak gizartearen aurrean goraipatzea, zabaltzea eta aldarrikatzea izango da kontuan sariduna hautatzean eta honenbestez, orain, gipuzkoarrei dagokie izenak proposatzea eta urriak 11 baino lehen guri helaraztea (Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.) eta Urtarrilaren 26an ospatuko den ENBAren batzarrean banatuko da.
Idatzi honekin batera bidaltzen ditugu 2019ko BASERRITARRON LAGUNA Sariaren instrukzioak eta egutegia.
Gipuzkoako ENBA nekazal elkarteak 2020ko Foru Aurrekontua aztertu ostean, hein haundi batean, iazkoaren ahantzekoa dela jabetuz, Aurrekontua 1.478.000 eurotan igotzea proposatzen dugu 4 helburu zehatzak hobetzearren. Proposamena Batzar Nagusietako talde guztiei bidali zitzaien orain 15 egun.
Gazte Plana programarako 200.000 euro gehiago, Ustialekuen Modernizaziorako 600.000 euro gehiago, Landa Bideak programarako beste 500.000 euro gehiago eta azkenik, Landa Elektrifikazio programarako beste 178.000 euro gehiago destinatzea proposatzen dugu.
Azalpenak
Gipuzkoako bi nekazal sindikatuok, ENBA eta EHNE, Gipuzkoako Foru Aldundia (GFA) eta Gipuzkoako Ehiza Federazioa (GEF) arteko Ehiza Larriaren Hitzarmen proposamena aztertu eta honako balorazioa egiten dute:
- Komunikabide bitartez iragarri den Hitzarmenaren balizko sinadura ondorio positibo bakarra du, hain zuzen ere, nekazaritzarako hain kaltegarria den basurdearen ehizari berrekitea eta horrexegatik, gure lurraldeak bizi duen basurde gainpopulazioari aurre egiteko hain beharrezko diren uxaldiak automatikoki berraktibatuko direla, beste gai batzuren menpe ipini gabe. (Komunikatu idatzi ostean jakin dugu greba deskonbokatu dutela).
- Hala ere, ENBA eta EHNEren ustean Hitzarmenaren egungo zirriborroa atzerapausu nabarmena da, baserritarrak, ehiza larriaren aplikazioa eta kontrola osoa GEFren eskutan uztean, inongo babes publikorik gabe uzten direlarik.
- ENBAeta EHNEren aldetik oso argi utzi nahi dugu gure lehentasun nagusia basurde gainpopulazioari aurre egitea dela eta honenbestez, baserriko lursailetan jasaten diren kalteak gutxitzea eta ez, zenbaitzu agertu nahi izan duten bezala, kalteordainak jasotzea, ahaztu ezinak izan arren, bigarren mailako gaiak bait dira.
- ENBA eta EHNEren ustean, behar beharrezkoa da basurde izurriteari aurre egiteko era guztietako neurriak sustatzea eta honenbestez, begi onez jotzen ditugu ehiza ahalik eta eraginkorrena bultzatuko duten neurriak, programak eta sariak.
- ENBA eta EHNEren ustean egungo zirriborroak ez du jasotzen baserritarrontzat ezinbesteko den peritazio neutrala eta independientea, bere lana gutxieneko profesionalitate eta seriotasuna bermatuz.
- ENBA eta EHNEren ustean ezin da utzi, soilik, GEFren eskutan afektatutako baserritarrei eman beharreko erantzuna (kalteordainak, konpentsazioak, neurri zuzentzaileak, …).
- Bestalde, azken hilabeteotan bizitako negoziazio prozesuak agerian utzi du, negoziazioan partehartutako bi aldek mahaiaz kanpo utzi dituztela ehiza larriaren afektatu nagusiak, baserritarrak alegia eta hain zuzen horrexegatik, etorkizunean horrelakorik errepika ez dadin, Hitzarmenean aurreikusten den jarraipen Batzordean, aldundia eta federazioaz gain, Gipuzkoako bi nekazal sindikatuak, ENBA eta EHNE, txertatu beharko lirateke.
- Azkenik, GEFren alde bateko grebak sortu duen egoera larria ikusirik eta baserritargoan bizitzen ari garen babes falta egoeraz jabeturik, beti ere, horrelako uneak etorkizunean errepika ez daitezen, ENBA eta EHNEtik dei egiten diogu Gipuzkoako Foru Aldundiari eta bereziki Imanol Lasa diputatuari zabal dezala lehenbaitlehen Gipuzkoako lurraldean egun dugun ehizaren antolaketari (bai ehiza larria bai ehiza xehea) buruzko gogoeta prozesua, nekazal eta baso sailen jabeak eskubideak bermatzeko helburu garbiarekin bai basafaunak eragindako kalteei aurre egiterakoan bai ehiza jarduera baserriko errentaren osagarri gisara ahalbidetzen duten ekimen enpresarialak aurrera eramaterakoan askatasuna gehiago eskeiniaz..
ENBA Bizkaia
San Pedro, 30-Behea - 48340 Amorebieta-Etxano (Bizkaia)
Tel.: 94 630 07 69 bizkaia@enba.eus
Fenix, Zerbitzu Informatikoak, diseinatu eta kudeatzen du webgune hau
