Albisteak

Urtarrilak 31, igandea, goizeko 11etatik aurrera Gipuzkoako ENBA nekazal sindikatuak bere Ohizko Batzarra ospatuko dua Urnietako Salesiar Ikastetxean.

Bertan izango dira, batzarra zabaltzen bai Urnietako alkatea bai Eusko Jaurlaritza eta Gipuzkoako Foru Aldundiko agintariak.

Aurtengo batzarraren leloa ETORKIZUNA ELIKATUZ aukeratzean, nekazaritza etorkizuneko iharduera bezala aldarrikatu nahi dugu eta bestalde, etorkizun horretako protagonistak izango diren gazteak jarri nahi ditugu gure elkartearen lehen lerroan.

Honezaz gain, BASERRITARRON LAGUNA sariaren bigarren edizioan AMAMA filmaren zuzendaria den Asier Altunari emango zaio saria. ENBAren ustean, azpimarratzeko modukoa da filmaren bitartez bai baserritar bai baserriaren alde zabaldutako mezua eta egindako aldarria.

Amaieran, EULA sagardotegian elkartasunezko bazkaria izango da.

Gipuzkoako ENBA nekazal sindikatuak bere haserrea agertu nahi du, Gipuzkoako Foru Aldundiak baserritarren eskaerei jaramon eginez onarturiko Ehiza aldien Foru Aginduaren aurka EGUZKI talde ekologistak jarri duen helegiteagatik.

Atzo prentsan agertutakoaren arabera EGUZKI taldeak basurdeak eta orkatzak ostegunetara zabaltzeko aginduaren aurka daude, ez basurde izurritea ukatzen dutelako baizik eta aginduaren sorrera Ehiztarien Federazioaren presioa dela kontsideratzen dutelako.

ENBA nekazal sindikatuak aitortzen du, urrian eta azaroan izaniko bileretan agertu genuen bezala, Foru Aginduak jasotzen duen aldaketa baserritarren ordezkarien eskabidea dela, batez ere, basurdeen kalteak etengabe gorantza doazelako eta orain arte, bai Aldundiak azaldu duen epeltasunaren aurrean bai Ehiztari koadrila batzuen agertutako utzikeriaren aurrean, baserritarrok izan gara Aldundiari neurri bereziak har ditzala exijitu diogunak.

Gipuzkoako kasuan basurdeen populazioa etengabe hazten ari da, izurrite mailara ailegatuz eta honenbestez, gure belardi, artasoro eta zuhaitzetan eragindako kalteak ikusirik, ENBAren ustean ezin dugu jarraitu orain arteko neurri txikiekin eta neurri bereziak hartu behar dira.

Bestalde, amaitzeko, EGUZKI taldeari eskatzen diogu ez dezala erabili basurdeak ehizatzeko Foru Agindu berria, Aldundia eta Ehiztarien Federazioaren aurka izan ditzazkeen borrokan, kaltetui nagusiak baserritarrak izango baitira, hain zuzen, teorian, beraiek ere babestu nahi duten kolektiboa.

Atzo, Zaldibiko Goizane zentruan ospatu zen BASERRI GAZTEA Topaketan bigarren saioa. Jende ugari bertaratu zen eta denen artean, baserria gaztetzeko egun dugun egoera aztertu genuen, Iparraldeko dinamikaz gain euskal administrazioek duten gazte politika ere bai.

Saioaren hasera Euskal Herriko Laborantza Ganbarako koordinatzailea den Iker Elosegik egin zuen Iparraldean baserri transmisioa egiterakoan egiten dituzten lanak aurkeztuz eta transmisioa planifikatu beharra azpimarratu zuen nahiz familia barruko nahiz kanpoko gazteekin, Iparraldean azken hauek instalatutako gazteen %21 direlarik.

Ondoren, Eusko Jaurlaritzako Nekazaritza sailburuordea den Bittor Oroz aritu zen euskal administrazioek, eskumenak elkarren artean banaturik daudenez, 2015-2020 epealdirako LGPan jasota dauden neurri eta lan ildo ezberdinak aurkeztu zituen bai laguntza zuzenetako gehigarriak bai gazteen lehen instalakuntza, inbertsio planak, finantza programak, etb. Sailburuordearen esanetan, behar beharrezkoa da, baserriaren errentagarritasuna landu beharra dago, baserrien etorkizuna bermatu nahi bada.

Azkenik, instalatu berri edota instalatzen ari diren 4 gazteen testigantzak jasoaz mahaingurua antolatu zen eta bertan izan ziren, Orendaingo Larrazpi baserriko Iñaki Zuriarrain, Aizarnako Ibarra baserriko Gorka Irureta, Segurako Ondarre baserriko Eneko Goiburu eta Getariako Akarregi Txiki upategiko Lander Garrastazu.

Ondoren, gazteekin batera, Iker Elosegi eta Bittor Orozekin batera, oso mahainguru interesgarria izan zen, jendearen partehartze haundiarekin.

Iker Elosegiren aurkezpena

Bittor Orozen aurkezpena

(Argazkia: ARGIA Aldizkaria)

ENBA nekazal sindikatuak, BASERRITARRON LAGUNA sariaren bigarren edizioan AMAMA filma eta bere zuzendaria den Asier Altuna sarituko ditu baserri munduaren garrantzia mahaigaineratu egin duelako, zinemaren hizkuntz ederraren bitartez, gure tradizioa era moderno batez isladatu eta gizarte hain urbanoan baserriko kulturaren aldarria egin duelako.

Saria Asier Altuna berak jasoko du, Urtarrilaren azken igandean, urtarrilaren 31an, Urnietan ospatuko dugun ENBAren Batzar Orokorrean.