Ez dugu dirurik eskatzen. Ez diru laguntzarik. Basurdeen populazioaren kontrola exijitzen dugu. Foru Aldundiak eta ehiza federazioak hitzarmen bat sinatuta dute kontrol hori egiteko eta exijitzen dugu bertan idatzitakoa bete dadin. Hau da, protokoloa bete dadin.

Sindikatuetatik urteak daramatzagu egoera hau salatzen. Aldundiarekin eta ehiza federazioarekin elkartuta arazo honen berri eman eta kalteen kudeaketarako zehaztuta dagoen protokoloa berritu dadin eskatzen, baina ez zaigu kasurik egiten. Ez dute egoera hau konpontzeko borondaterik agertzen. Berriro errepikatzen dugu, eskualde batzuetan kontrola ongi egiten den arren, eskualde honetan ez, eta kalteen kudeaketarako zehaztuta dagoen protokoloa berritu eta bete dadin dadin eskatzen dugu.

Deialdei honekin bat egiten dugu:
Gipuzkoako EHNE
Gipuzkoako ENBA
Bedoña auzoa
Garagartza auzoa
Meatzerreka auzoa
Santa Ageda auzoa
San Andres auzoa
Udala auzoa