Baserriaren zahartze prozesuaz eta belaunaldi errelebo ezari buruz maiz hitzegin eta idazten da, eta dugu, azken urteotan.

Problematika oso konplexua da eta honenbestez, gizarte osoaren inplikazioa ezinbestekoaz gain, lehen sektorea osatzen duten eragileen elkarlana eta herri erakundeen babesa behar beharrezkotzat jotzen da.

Aurreko astean argitaratu berri du Ministeritzak, 2024ko PAC kanpainari buruzko datuak, adinari buruz sailkatuak eta bertan agertzen diren datuetan erreparatu dugu, argi izanik, PAC eskatzaileaz haratago, badela beste hainbat jende, bereziki, azpisektore jakin batzuetakoa (baratza, fruta, txerria, hegaztiak). Hala ere, PAC eskatzaileen joera sektore osoaren joera ondo isladatzen duela pentsatuz, honako taula egin dugu.

EUSKADIko datuei erreparatuz gero, honako konklusioak atera ditzazkegu:

- Azken 15 urteetan, PAC eskatzaileak, %49,98an jeitsi da, hau da, erdira.

- 25 urte azpiko atala, nahiz eta igoera bat eman, kasu guztietan %1ren azpitik jarraitzen du.

- Europako nekazal politikaren arabera 40 urte azpikoak “gaztea” kalifikazioa jasotzen dute, beraz, 2009ko %10,64tik 2024ko %10,5era pasa da, hau da, gazteen ehunekoa mantendu egin da.

- Tarteko adin nagusien kasuan, hau da, 40 eta 65 urte bitartekoen kasuan, azken 15 urteotan %3,68an hazi da, hau da, jende gehiago da tarte honetan.

- Jubilatzeko adinean dagoen jendearen tartea, hau da 65 urtetik gorakoaren ehunekoa, %34,31arekin, %3,49an jeitsi da.

ESPAINIAko datuei erreparatuz gero, honako konklusioak atera ditzazkegu:

- Azken 15 urteetan, PAC eskatzaileak, %37,38an jeitsi da, hau da, ia %40an.

- 25 urte azpiko atala, nahiz eta igoera bat eman, kasu guztietan %1ren azpitik jarraitzen du.

- Europako nekazal politikaren arabera 40 urte azpikoak “gaztea” kalifikazioa jasotzen dute, beraz, 2009ko %12,66tik 2024ko %8,87ra pasa da, hau da, gazteen ehunekoa jeitsi egin da %3,79an.

- Tarteko adin nagusien kasuan, hau da, 40 eta 65 urte bitartekoen kasuan, azken 15 urteotan %1,25ean hazi da, hau da, jende gehiago da tarte honetan.

- Jubilatzeko adinean dagoen jendearen tartea, hau da 65 urtetik gorakoaren ehunekoa, %39arekin, %2,5ean igo da.